Women For Regional Development

ქალები რეგიონის განვითარებისათვის

ქალის სამართლებრივი მდგომარეობა ფეოდალურ საქართველოში

Untitledქალის სამართლებრივი მდგომარეობა,მისი ადგილი და როლი საზოგადოებაში განპირობებულია ამა თუ იმ საზოგადოებრივ ურთიერთობათა სისტემით. პირველყოფილი საზოგადოების რღვევის, კლასობრივი საზოგადოების შექმნის პროცესებს და წარმოების განვითარებას, ნამეტი პროდუქტების დაგროვებას და კერძო საკუთრების
წარმოშობას შედეგად მატრიარქატის პატრიარქატად შეცვლა მოჰყვა, ქალს წაართვა მამაკაცთან გათანაბრების საშუალება, რის შედეგადაც მისი მდგომარეობა გაუარესდა.“დედის უფლების დამხობა მდედრობითი სქესის მსოფლიო ისტორიული დამარცხება იყო.
მამაკაცმა ოჯახშიც ხელს იგდო გამგებლობის საჭე, დედაკაცმა კი დაკარგა თავისი საპატიო მდგომარეობა,იგი გახდა მსახური, მონა ამაკაცის ჟინისა, უბრალო იარაღი შვილოსნიბისა“. ქალის უფლებები ჯერ კიდევ ოდითგანვე შეიზღუდა ხალხური წესჩვეულებებით, შემდეგ—რელიგიით, არსებული მორალით, მთავართა და მეფეთა მიერ შემოღებული კანონებით;იგი იქცა სამართლის ნაწილობრივ სუბიექთად, რაც მეტნაკლებად აისახა სხვადასხვა ქვეყნის კანონმდებლობაში. ასეთი დამოკიდებულება ქალის უფლებრივი მდგომარეობის მიმართ დიდხანს შემორჩა კაცობრიობას.
საქართველოს სოციალურ-პოლიტიკურმა ვითარებამ განაპირობა ქალისთვის დიდი უფლებების მინიჭება და თითქმის მამაკაცის უფლებებთან მიახლოება, განსხვავებით საქართველოს მეზობლად მდებარე ზოგიერთი ქვეყნისა.
საერთოდ, მამაკაცთან ქალის აბსოლუტური გათანაბრება არ მომხდარა არც მაშინდელ საქართველოში, რადგანაც,მართალია“ლეკვი ლომისა სწორია,ძუ იყოს,თუნდა ხვადია“,მაგრამ ცხოვრების პირობები არ იძლეოდა იმის საშუალებას, რომ ქალი და მამაკაცი ერთმანეთს გათანაბრებოდნენ. გიორგი მესამის დროს ქალის პოლიტიკური უფლებები ფართოვდება. აღიარებული იქნა,რომ ქალსაც შეუძლია მეფობა,მაგრამ სამოხელეო ასპარეზზე ქალებს ნაკლებად
ვხვდებით.
ადამიანი, ქალი იქნება ის თუ კაცი, როგორც ქმნილება ღვთისა–ერთია, ამიტომ, ქალსაც შეუძლია შეასრულოს ის საქმე, რომელსაც მამაკაცი ასრულებს. მაგალითად. მეფობისათვის ღმერთს მარტო კაცი არ შეუქმნია.
რამდენიც არ უნდა ვისაუბროთ იმაზე, რომ ქალი და მამაკაცი თანასწორია,რეალობა სულ სხვაა.მამაკაცი ოდითგანვე უპირატესობით სარგებლობდა ქალთან შედარებით და დღესაც ქალს,როგორც მმართველს და უფროსს ,იშვიათად ვხვდებით.
მარიკა ჩხიკვიშვილი (ეკონომიკისა და სამართლის უნივერტიტეტის I კურსის სტუდენტი)
2010 წლის 06.06 გაზეთი “სოფლის ხმა”  pdf soflis xma #3

Advertisements

წარმატებული ადვოკატირების კამპანია

2015-2016 წლებში ორგანიზაციამ განახორციელა პროექტი “სკოლამდელი განათლება ყველა ბავშვს”, რომლის მიზანიც გახლდათ დასახლებაში სკოლამდელი განათლების დაწესებულების მშენებლობა.

პროექტის ფარგლემში თემში საინიციატივო ჯგუფი შედგა  6 ქალის მონაწილეობით, რომლებმაც ძალღონე არ დაიშურეს და ბოლომდე ერთგული დარჩნენ  ბაღის მშენებლობის იდეისა. თემში იყო განსხვავებული ხედვაც, თუმცა ასეთი ადამიანები ცოტა იყო. პროექტის დასრულებიდან ერთი წელი გავიდა, საინიციატივო ჯგუფის, თემის მოსახლეობის ერთადერთი მოთხოვნა საბავშვო ბაღის აშენება იყო.

ადვოკატირების კამპანიის დროს თემთა გამგებელმა ბ-ნმა ნერაბ ჭანუყვაძემ სატელევიზიო ეთერში (საზოგადოებრივი არხი) პირდაპირი ეთერით დებატების დროს, მოსახლეობას დაპირდა, რომ ამ ბაღს ამ თემში ააშენებდა  და პირობაც შეასრულა.

დასახლებაში 2017 წელს მშენებლობა დაიწყება და აშენდება თანამედროვე სტანდარტების საბაშვო ბაღი, რომლის საერთო ღირებულება 400 000 ლარს სცდება.

ადამიანების აქტიურობა, მათი სურვილები და მიზანსწრაფვა არასდროს ჩაივლის უკვალოდ, არ არსებობს ცუდი მართველობა, არსებობს ცუდი და არაინფორმირებული ამომრჩეველი, რომელსაც არ სურს ჩაერთოს თვითმმართველობაში და მხოლოდ ხელისუფლებას ავალდებულებს ,მოუგვაროს პრობლემები.

ამიტომ ვთვლით, რომ საზოგადოებამ უნდა ისწავლოს კანონები, უნდა მოითხოვოს ის, რაც ძალიან უნდათ და შედეგიც აუცილებლად დადგება.

ორგანიზაცია და პირადად მე, ქეთევან ხიდაშელი, როგორც ორგანიზაციის ხელმძღვანელი გამოვთქვამ უდიდეს პატივისცემას ოზურგეთის  ყოფილი გამგეობლის ბ-ნ მერაბ ჭანუყვაძის, საკრებულოს თავმჯდომარის და  დეპუტატების მიმართ. იმისთვის, რომ პირობა შეასრულეს.

დავასრულებ იმით, რომ ჩვენი ორგანიზაციის წარმატებაა თემში აქტიურ ქალთა ჯგუფის შექმნა, რომლებმაც ისწავლეს თავიანთი პრობლემების მოგვარების იურიდიული გზები, ხელისუფლების მიღწევაა ამ თემში საბავშვო ბაღის აშენების გადაწყვეტილების მიღება.

ქალების ხმა თვითმმართველობაში

პროექტი ხორციელდება EWMI Access-ის ფინანსური მხარდაჭერით.

პროექტის მიზანია: ქალი ამომრჩევლების საჭიროებების გამოვლენა ამ საჭიროებების საარჩევნო პროგრამებსა და დებატებში ასახვა. ქალი ამომრჩევლების სეგმენტის ფორმირების ხელშეწყობა.

პროექტი ხორციელდება ოზურგეთის მუნიციპალიტეტის 7 თემში.

აგვისტოს თვეში სამიზნე თემებში ჩატარდა საინფორმაციო შეხვედრები, 7-დან 4 თემში(დვაბზუ, ძიმითი, ნასაკირალი, ლიხაური)  შეიქმნა საინიციატივო ჯგუფები. ვინაიდან სოფლებში თხილის მოსავლის აღების სეზონია, დანარჩენ სამ თემში საინიციატივო ჯგუფები შექმნის პროცესშია (ქალების დიდი ნაწილი თურქეთში სეზონურ სამუშაოებზეა გასული, ნაწილი კი სხვადასხვა სოფლებში დაქირავებულ მუშახელად მუშაობს) .

სამიზნე თემები: ძიმითი, დვაბზუ, დაბა ნასაკირალი,  ლიხაური, დაბა ლაითური,  დაბა ნარუჯა, ანასეულის დასახლება

 

 

პროექტი “ახალგაზრდული ხმები”

ორგანიზაცია “ქალები რეგიონის განვითარებისთვის ” ახორციელებს გრანტისგამცემ საქმიანობას TASO Foundation -ის ფინანსური მხარდაჭერით, რომლის ფარგლებშიც ჩვენს მიერ დაფინანსდა 2 პროექტი.
“ახალგაზრდული ხმები” -პროექტი ითვალისწინებს სიმღერის, ცეკვისა და მხატვრული კითხვის სწავლებას, გოგონებისა და ქალთა უფლებებისთვის სხვადასხვა ღონისძიებების მოწყობას.

მეორე პროექტს “ერთად განვითარებისთვის” კი ახორციელებენ დვაბზუს(ნასაკირალის) საინიციატივო ჯგუფი, პროექტის ფარგლებში ჯგუფის წევრებმა შეიძინეს კომპიუტერული ტექნიკა და მცირე ავეჯი, ჩართეს ინტერნეტი. კომპიუტერული რესურსცენტრი სოფელს ემსახურება უფასოდ. ცენტრში მიმდინარეობს კომპიუტერული პროგრამების სწავლება, სოფელს ასევე გადაეცა მოძრავი ბიბლიოთეკა, რომელსაც უკვე ათეულობით მკითხველი შეემატა.
დღეს, ეს ორი ჯგუფი ერთმანეთს შეხვდა და დვაბზუს ნასაკირალის მოსახლეობისთვის გამართეს კონცერტი.
( კონცერტი მოამზადეს გაღმა დვაბზუს საინიციატივო ჯგუფის წევრებმა: ინგა ფრანგულაშვილმა და სალომე დარჩიამ)
მონაწილეების ტრანსპორტირება უზრუნველყო დვაბზუს მკვიდრმა ბ-ნმა მიხეილ მახარაძემ და Tinatin Glonti.
მადლობა ყველა იმ ადამიანს ვინც ერთი ლამაზი დღე აჩუქა ჩვენი თემის ნაწილს, დვაბზუს ნასაკირალის ეკომიგრანტ მოსახლეობას.

 

This slideshow requires JavaScript.

შეხვედრა ს. შრომის საჯარო სკოლის პედაგოგებთან

პროექტის “გაძლიერდი და გააძლიერე” ფარგლებში  ს. შრომის საჯარო სკოლაში პედაგოგებისთვის   ჩატარდა სემინარი თემაზე: ოჯახში ძალადობა და ძალადობისაგან დაღწევის გზები.

დიდი მადლობა ს. შრომის გამგებლის წარმომადგენლის თანაშემწეს ბ-ნ  კახაბერ ქადიეშვილს და საჯარო სკოლის დირექტორს ქ-ნ რუსუდან ცეცხლაძეს გაწეული დახმარებისთვის

 

სამიზნე თემებში გასვლები ოჯახში ძალადობის შესახებ ცნობიერების ამაღლების მიზნით

ლანჩხუთის ცენტრალური ბიბლიოთეკის დარბაზში შედგა შეხვედრა, სადაც გაიმართა დისკუსია ოჯახში ძალადობის თემაზე. შეხვედრას ესწრებოდა 12 ადამიანი.

დისკუსიის მონაწილეებთან მოხდა შეთანხმება, ოჯახში ძალადობის შესახებ ისინი თავიანთ ახლობლებში, მეზობლებში თუ სამუშაო ადგილებზე გაავრცელებენ ინფორმაციას იმის შესახებ, თუ როგორ უნდა მოიქცეს, ვის დაუკავშირდეს მსხვერპლი ძალადობის შემთხვევებში.  მათ ასევე გადაეცათ  ქალთა ზეპირი ისტორიების პუბლიკაცია “დუმილი ვერ დაგიცავს”.

 

გაძლიერდი და გააძლიერე

12509377_1054676011220676_7467823077942322998_n

“გაძლიერდი და გააძლიერე” კიდევ ერთი ახალი პროექტი ქალთა ფონდის დაფინანსებით.
პროექტის მიზანია:ოჯახში ძალადობის მსხვერპლ ქალთა გაძლიერება და პრევენციის მიზნით თემში ცნობიერების ამაღლება ოჯახში ძალადობის საკითხებზე.

ამოცანები

  1. საზოგადოებრივი ცნობიერების ამაღლება ოჯახში ძალადობის საკითხებზე.
  2. ოჯახში ძალადოის მსხვერპლთა ინდივიდუალური და ჯგუფური ფსიქოთერაპია.
  3. ოჯახში ძალადობის მსხვერპლთა გაძლიერება სწავლების გზით
  4. ძალადობის დაფარული ფორმების გამოვლენა და რეაგირება.

ოზურგეთის მუნიციპალიტეტიში მცხოვრებ ოჯახში ძალადობის მსხვერპლთათვის დაიწყო რეგისტრაცია შემდეგ კურსებზე:
1. კომპიუტერის შემსწავლელი კურსები
2. ბუღალტერიის შემსწავლელი კურსები
3. ხელსაქმის შემსწავლელი კურსები
თითოეული კურსის ხანგრძლივობა 3 თვე, კვირაში 3-ჯერ. კურსების გავლის შედეგად მიიღებთ სერთიფიკატს და გეძლევათ დასაქმების შესაძლებლობა.

ასევე შეგიძლიათ მიიღოთ კვალიფიცირებული ფსიქოლოგის დახმარება, როგორც ინდივიდუალური სეანსებზე ასევე ჯგუფურ სეანსებზე.
დაინტერესების შემთხვევაში დარეკეთ: 593765481, ან მობრძანდით მისამართზე: ოზურგეთი. ს. დვაბზუ ( დვაბზუს გადასახვევი, ცენტრალური გზიდან 30 მ-ში).

სოფლის ინიციატივების მხარდაჭრის პროგრამა

12832535_1081613475193596_3615803316356266475_n

გრანტისგამცემი საქმიანობის შედეგები: დღეს ორ საინიციატივო ჯგუფს: “ნასაკირალის ქალებს” და “გაღმა დვაბზუს საინიციატივო ჯგუფს” საგრანტო ხელშეკრულებები გავუფორმეთ. დავაფინასეთ შემდეგი ინიციატივები:
1. “ნასაკირალის ქალები”-  დაფინანსდა კომპიურეტული რესურსცენტრი, რომელიც აღიჭურვება კომპიუტერებით (2 პერსონალური, ერ გრანტის ფარგლებში, ერთი საჩურად გადასცა დემოკრატიული განვითარების ინტიტუტმა-NDI) ქსეროქსით, სკანერით, ინტერნეტით, გადაეცემათ საყმაწვილო ბიბლიოთეკა (მოძრავი) , პროექტის ღირებულება 2000 ლარი. საინიციატივო ჯგუფის წევრები: ქეთევან ართმელაძე, მარიამ სუდაძე, მარინა ჭელიძე, ნადია მემიაძე. ცენტრისათვის ფართი გამოყო (მოხალისეობრივად)  დვაბზუს ნასაკირალის მკვიდრმა ბ-ნმა ავთანდილ ირემაძემ
2. გაღმა დვაბზუს საინიციატივო ჯგუფი-“ახალგაზრდული ხმები”, პროექტის ღირებულება 3000 ლარი. გაღმა დვაბზუს კლუბში ადგილობროვი თვითმმართველობის თანამონაწილეობით(გამოყო ფართი სოფლის კულტურის სახლში) სადაც გაიხსნება მუსიკალური სტუდია(სიმღერა, ცეკვა, მეტყველების გაკვეთილები, გიტარის შემსწავლელი გაკვეთლები) მოეწყობა კონცერტები და ღონისძიებები, საინიციატივო ჯგუფის წევრები: ინგა ფრანგულაშვილი, სალომე დარჩია,ნათია სალუქვაძე, თინათინ ღლონტი.
მადლობა ოზურგეთის მუნიციპალიტეტის გამგეობა -ს ს. დვაბზუს დეპუტატს ქ-ნ როზეტა სკამკოჩაშვილს, ს. დვაბზუს გამგებელს ბ-ნ ვასილ ღლონტს თანამშრომლობისთვის და კეთილი ნების გამოხატვისთვის.

პროექტი ხორციელდება ქალთა ფონდი ტასოს ფინანსური მხარდაჭერით

ქალთა ზეპირი ისტორიები “დუმილი ვერ დაგიცავს”

12417961_1054559504565660_3143486489368329430_nპროექტის “ვსაუბრობთ და ვმოქმედებთ გენდერული ძალადობის დასაცავად” ფარგლებში, რომელიც ჰაინრიჰ ბიოლის სამხრეთ კავკასიის ბიუროს ფინანსური მხარდაჭერით ხორციელდება გამოიცა ქალთა ზეპირი ისტორიების კრებული “დუმილი ვერ დაგიცავს”

გთავაზობთ კრებულის წინასიტყვაობას

“რატომ ჩანან ქალები ხელოვნებაში, მეცნიერებაში, პოლიტიკაში ნაკლებად? აქტიური ქა ლი ლიტერატურული პერსონაჟიც კი ცოტაა. ალბათ, მთავარი, რითიც გენდერის კვლევა უნდა დაიწყოს, სწორედ ამ სიმცირის გამომწვევი მიზეზებია.

კაცობრიობის მეხსიერება ზღაპრებით იწყება, ზღაპარშიც კი ცოტაა აქტიური გოგო პერ- სონაჟი. ცოტაა, რადგან ზღაპრის გმირის დაბადებას სახლიდან გასვლა სჭირდება, ქა- ლებს კი არ ჰქონდათ ამის უფლება. თუკი გოგო გმირი იბადება, ის ძალადობრივი გზითაა მოხვედრილი სახლის გარეთ – ან დაკარგულია, ან გამოგდებული.

იმ უხსოვარი დროიდან დღემდე, რაღა თქმა უნდა, ბევრი რამ შეიცვალა. თუმცა, რეალურ თანასწორობამდე მაინც შორია. დღესაც ჩვენ გვერდით უამრავ ქალს არა აქვს სარბიე- ლი, ზოგისთვის ისევ რთულია, თუნდაც, სახლიდან გასვლა. აქვე, ჩვენ გვერდით, ჩვენს ქვეყანაში არის სოფლები, სადაც დაუქორწინებელი გოგონა სახლიდან მარტო, მხლებლის გარეშე ფეხს ვერ გაადგამს.

ძალადობრივი გარემო განაპირობებდა და ისევ განაპირობებს იმას, რომ ქალები დღესაც ნაკლებად ჩანან. ისინი შრომობენ, მაგრამ მათი შრომა ხშირად ისევ ფარდის უკან რჩება; ისინი სწავლობენ, მაგრამ ხშირად არ ეძლევათ საშუალება, თავიანთი ცოდნა გამოიყენონ; მათზე დგას ოჯახები, მაგრამ კაცი მაინც ყველანაირად ამცირებს, იცის, რომ მეტად ეპა- ტიება ღალატიც, ლოთობაც, ნარკომანიაც და ძალადობაც.

ამ კრებულისთვის ზეპირი ისტორიები 2015 წლის ზაფხულში გურიაში ჩაიწერა. რესპონ- დენტები არანაირი ნიშნით არ შეგვირჩევია – ჩავწერეთ ყველა, ვისაც საუბრის სურვილი ჰქონდა. ძალადობას საქართველოში, სამწუხაროდ, ძებნა არ სჭირდება, ის მეტ-ნაკლებად ყველა ქალის ისტორიაშია, ყველა აწყდება დისკრიმინაციას, ყველას ჩაგრავენ, ან თვი- თონ, საზოგადოებისგან თავსმოხვეული სტერეოტიპებით იჩაგრავს თავს. ყველას არ შე- უძლია გმირობა, გაბედვა, მსხვერპლის როლიდან გამოსვლა. მთლიანად გარემოა მოძალა- დე და ამიტომ ქალთა ასპარეზი, მათი უფლებები ისევ შეზღუდულია.

ზოგიერთი რესპონდენტი საუბარს იმ პირობით დაგვთანხმდა, რომ მათ სახელსა და გვარს არ მივუთითებდით, ზოგიერთს პირიქით – ძალიან უნდოდა თავისი სახელით ელაპარაკა, მაგრამ ჩვენ ჩავთვალეთ, რომ მაინც ჯობდა, ანონიმურობა დაგვეცვა, რადგან, მიუხედა- ვად მათი სურვილისა, შეიძლებოდა, ამ კრებულით კიდევ ერთხელ გაგვეხადა ისინი ძალა- დობის სამიზნედ. ამიტომ, ქვემოთ ნახსენები ყველა სახელი შეცვლილია.

შესავალი წერილი 8 კრებულში თავი მოიყარა სრულიად განსხვავებულმა ისტორიებმა. ზოგიერთი მონათხრო- ბი მეოცე საუკუნის 30-40-იანი წლებიდან იწყება და გრძელდება დღემდე, 2015 წლამდე. ამ ზეპირი ისტორიების საშუალებით შეგვიძლია თვალი მივადევნოთ გურიის სოფლებიდან დანახულ ისეთ ისტორიულ მოვლენებს, როგორებიცაა მეორე მსოფლიო ომი, კოლექტივი- ზაცია, საბჭოთა უძრაობის ხანა, ეროვნული მოძრაობის პერიოდი, თავისუფალი საქართ- ველოს მშიერი და არეული წლები…

ყველანაირი გაჭირვება, პრობლემა – საზოგადოების უუფლებო წევრს უფრო მეტად აზა- რალებს. თუ არ არის საშუალება, ყველა შვილს განათლება მიაღებინონ, რა თქმა უნდა, ქალი რჩება სწავლის გარეშე. თუ ბევრ შვილს ვერ გააჩენენ, შერჩევითი აბორტი უნდა გა- კეთდეს, რადგან თვლიან, რომ ბიჭი აუცილებელია. თუ ქმარი ღალატობს, ლოთობს, ქალმა უნდა აიტანოს, რადგან შვილებს არ უნდათ დანგრეული ოჯახის სახელით გავიდნენ საზო- გადოებაში. თუ მოიტაცეს, უკან ვეღარ დაბრუნდება, რადგან იცის, რომ „შერცხვენილს” აღარ ექნება ცხოვრების ნორმალურად გაგრძელების საშუალება.

ისტორიები განსხვავდება მოძალადეთა სახეებითაც და ძალადობის სიმძიმითაც. ზოგიერ- თი ისტორია შედარებით მსუბუქია, ზოგიერთი – ძალიან მძიმე. ზოგან პრობლემა დაძლე- ულია, მსხვერპლი გარიდებულია მოძალადეს, ზოგან მოძალადე გარდაიცვალა და ამიტომ, თითქოს აღარაა პრობლემა, მაგრამ დარჩენილია ხსოვნა და ტრავმა.

თუმცა, გვხდება ისტორიებიც, სადაც ქალი სწორედ სტერეოტიპების დამსხვრევის გამო იქცევა ძალადობის სამიზნედ. ზოგიერთს ჰყოფნის ძალა, დაუპირისპირდეს გაბატონებულ წარმოდგენებს და იბრძოლოს საკუთარი უფლებებისთვის, მაგრამ ამ ბრძოლას უზარმაზა- რი ენერგია მიაქვს, რადგან ძნელია ყველას პირისპირ დგომა, ძნელია და ადამიანის მთელ ძალისხმევას მოითხოვს.

მოძალადის როლში შეიძლება მოგვევლინოს ყველა და ყველაფერი: მამა, დედა, შვილი, მეგობარი, ქმარი, დედამთილი, მამამთილი, საზოგადოებრივი აზრი, სოფელი, ტრადიცია, სახელმწიფო…

მოძალადეა მთლიანად გარემო, ყველა და ყველაფერი უშლის ხელს ქალს გახდეს საზოგა- დოების სრულუფლებიანი წევრი და მიუხედავად უმძიმესი, თავდადებული შრომისა, დატო- ვოს სახელი, თუნდაც თავისი ოჯახური ისტორიის ფარგლებში. საქართველო ჯერ კიდევ ის ქვეყანაა, რომელშიც წინაპრების სადღეგრძელოს „მამა-პაპათა შესანდობარი” ჰქვია.

წარმოდგენილ ტექსტებში მაქსიმალურადაა შენარჩუნებული რესპონდენტების ენა, საუბ- რის მანერა და სტილი. მათი უმეტესობა დიალექტზე საუბრობს. არც ისაა გასაკვირი, რომ ზეპირ მეტყველებაში ხმარობენ ბარბარიზმებსაც.

იმედს ვიტოვებთ, ეს ზეპირი ისტორიები პატარა წვლილს შეიტანს გენდერის კვლევასა და უთანასწორობასთან ბრძოლაში. იქნებ მომავალი თაობებისთვის ისეთივე გაუგებარი იყოს ქალის დღევანდელი ვითარება, როგორც აქ ნაამბობი ოჯახის შექმნის ტრადიცია, როცა ქალი და კაცი არც კი იცნობდნენ ერთმანეთს.

ასეა თუ ისე, უპირველეს ყოვლისა, საჭიროა, პრობლემებზე ვილაპარაკოთ. დუმილით, და- მალვით, არასოდეს არავის ეშველება, ამიტომ შევარჩიეთ კრებულის სათაურად ცნობილი ამერიკელი ფემინისტის, ოდრე ლორდის სიტყვები: „დუმილი ვერ დაგიცავს”.

თეონა ბექიშვილი

2016 წ.

საზოგადოებრივი არხის გადაცემა “რეალური სივრცე”- დისკუსია

04.11.15 საზოგადოებრივ არხზე გადაცემა “რეალურ სივრცეში” გავიდა  29.10.2015 თემში მომზადებული სიუჟეტი , რომლის გარშემოც გაიმართა დისკუსია. გადაცემაში მიწვეული ვიყავით ირგანიზაციის წარმომადგენელი ქეთევან ხიდაშელი და ოზურგეთის მუნიციპალიტეტის გამგებელი ბ-ნი მერაბ ჭანუყვაძე.

რეალური სივრცე